toki tan toki pi jan Bokakio

suno pi nanpa luka tu tu, toki pi nanpa tu

ma Lonpaki li jo e tomo meli pi nasin sewi. tomo ni li suli mute li sewi mute. meli wan pi tomo ni li suli li pona lukin mute li nimi Isabela. tenpo wan la ona li lukin e mije wan li olin e ona. mije li lukin e pona ona li olin sama e ona. tenpo suli la ona mute li pilin ike tan ni: olin ona li pali ala. tenpo lili la mije li kama sona e nasin. ona li tawa meli kepeken tenpo pimeja. tenpo mute la ona mute li unpa.

tenpo wan la meli ante li lukin e weka pi mije ni. meli Isabela en mije li sona ala. tenpo tu la meli ante li wile toki e meli lawa. tenpo tu wan la meli ante li wile e ni: meli lawa li lukin e unpa.

meli Isabela li unpa e mije. meli ante mute li sona e ni li tu e kulupu tu. kulupu wan li lukin e tomo pi meli Isabela. kulupu tu li toki e meli lawa: "o kama! meli Isabela li jo e mije lon tomo ona!"

taso, tenpo pimeja ni la meli lawa li unpa kin e mije ante pi nasin sewi! mije ni li tawa ona kepeken poki. meli lawa li wile ala e ni: kulupu li kama e tomo ona li lukin e mije. meli lawa li kama li len lon pimeja. taso, ona li pana e len pi noka mije li len e lawa ona a! meli lawa li weka li toki e ni tawa kulupu: "meli ike ni li lon seme?"

kulupu li wile e ike tawa meli Isabela li lukin ala e len pi meli lawa tan ni. kulupu li tawa e tomo pi meli Isabela li pakala e lupa li lukin e unpa pi meli Isabela. jan olin pi meli Isabela li lukin li ken ala tawa tan pilin ike. kulupu li jo e meli Isabela li pana e ona tawa tomo lili. mije li awen. mije li len li wile lukin e ni: seme li lon? mije li pilin e ni: "kulupu li pali e ike tawa meli Isabela la mi pakala e ona li pana e meli li weka!"

meli lawa li kama lon tomo lili. kulupu pi meli sewi li lukin e meli Isabela taso. meli lawa li toki ike tawa meli Isabeli: "pali sina li pakala e nimi pona pi tomo meli ni!" jan ante li toki pakala e ona.

meli Isabela li sona ala e ni: ona li ken toki e seme? ona li toki ala li pilin e ni: ken la kulupu li pilin ike tan ni. meli Isabela li lukin e len lawa pi meli lawa li toki: "meli lawa , o pona e len lawa sina!"

meli lawa li sona ala e ni: jan Isabela li toki e seme? "sina soweli ike! sina toki e len lawa seme? sina li musi ala musi? sina pilin e ni: pali sina li ijo musi?"

meli Isabela li toki tu: "meli lawa. pona, o pona e len lawa sina!"

kulupu pi meli sewi li lukin e meli lawa. ona li pilin e len lawa ona li sona e ni: ona li pali kin e ike.

ona li toki e ni: "tenpo ijo la meli li ken ala pakala e pilin olin e pilin unpa". ona li toki kin: "meli li ken unpa lon pimeja la meli li ken unpa".

meli lawa li weka tawa mije ona. meli Isabela li weka tawa mije ona. meli ante li pilin ike tan ni: ona li wile e mije li jo ala e mije!

sitelen li tan lipu ni