soweli jan (toki tan lipu pi jan Suansu)

mi kepeken e lipu ni tawa toki ni.

jan li toki e ni tawa soweli jan:
"tenpo pi suno kama la mi pana e moku tu wan tawa sina.
tenpo pi suno weka la mi pana e moku tu tu tawa sina."
soweli jan li pilin ike tan ni.

tenpo ante la jan li toki e ni:
"tenpo pi suno kama la mi pana e moku tu tu tawa sina.
tenpo pi suno weka la mi pana e moku tu wan tawa sina."
soweli jan li pilin pona tan ni.

toki tu pi jan li sama. taso toki nanpa wan li ike tawa soweli jan en toki nanpa tu li pona tawa soweli jan.

jan sona li ken kepeken e nasin ni, li ken wan e nasin pona en nasin ike.

sitelen li tan lipu ni