o uta e monsi pi jan Hanku!

sitelen li tan lipu ni

toki ni li tan lipu ni.

tenpo wan la jan tu li kama e tomo mi. ona mute li pona lukin li jo e len pona.

jan Jon li toki: "toki! nimi pi mi multe li jan Jon en jan Meli."

jan Meli: "toki! o uta e monsi pi jan Hanku"

mi: "sina toki e seme? jan Hanku li seme? mi wile pali e ni tawa seme?"

jan Jon: "sina pali e ni la jan Hanku li pana e mani suli tawa sina. sina pali ala e ni la ona li pakala e sina."

mi: "a? ni li toki nasa tan kulupu pi jan ike anu seme?"

jan Jon: "jan Hanku li pona li jo e mani mute. ona li jo e ma tomo ni. ona li wile e ijo la ona li ken e ijo. ona li wile e ni: ona li pana e mani suli tawa sina. taso, sina uta ala e monsi ona la ona li ken ala."

mi: "ni li nasa. seme…"

jan Meli: "o toki ala e ike tawa pana pi jan Hanku! sina wile e mani suli anu seme? uta monsi li lili!"

mi: "ken la ni li pona. taso…"

jan Jon: "mi mute tawa uta e monsi ona. o kama!"

mi: "tenpo mute ala mute la sina pali e ni?"

jan Meli: "mute. tenpo ale."

mi: "jan Hanku li pana ala pana e mani tawa sina?"

jan Jon: "a! pana ala. sina weka e ma tomo la sina jo e mani."

mi: "sina ken weka e ma tomo lon tenpo ni!"

jan Meli: "sina ken ala weka! jan Hanku li toki e ni: o weka. tenpo ni la sina ken weka. tenpo ante la sina weka la ona li pakala e sina."

mi: "ken la jan ante li uta e monsi ona li weka e ma tomo li jo e mani. sina sona ala sona e jan ni?"

jan Jon: "tenpo ale la mama mi li uta e monsi pi jan Hanku. tenpo weka lili la ona li weka. mi pilin e ni: ona li jo e mani."

mi: "sina toki ala toki e mama sina?"

jan Jon: "toki ala! jan Hanku li pali e ni: mi ken ala toki."

mi: "tenpo ala la sina li toki e jan ni: ona li jo e mani ni. sina pilin e ni tan seme: jan Hanku li pana e mani?"

jan Meli: "tenpo ijo la jan Hanku li pana e lili. ken la sina li tawa li lukin e mani lili lon ma li kama jo e mani."

mi: "mani ni li tan jan Hanku anu seme?"

jan Jon: "jan Hanku li jan suli!"

mi: "mi pilin e ni: ni li nasa."

jan Jon: "taso mani pi jan Hanku li suli! sina uta ala e monsi ona la ona li pakala e sina."

mi: "ken la mi ken toki e jan Hanku li ken sona e ni tan ona."

jan Meli: "jan ala li lukin e jan Hanku li toki e ona."

mi: "sina uta e monsi ona kepeken nasin seme?"

jan Jon: "mi pana e kon tan uta mi. tenpo sama la mi sitelen e jan Hanku lon pilin mi. tenpo ante la mi uta e monsi pi jan Kali. jan Kali li pana e ona tawa jan Hanku."

mi: "jan Kali li seme?"

jan Meli: "ona li jan pona. ona li pana e sona pi pilin monsi tawa mi mute. mi wile taso pana e mani lili tawa ona."

mi: "sina pilin ala pilin e ni: ni li lon tan ni: jan Kali li toki e ni."

jan Jon: "ala, ala! jan Kali li jo e lipu tan jan Hanku. o lukin:"

jan Jon li pana e lipu tawa mi. ona li toki:

toki tan supa pali pi jan Kali

1. 1. o uta e monsi pi jan Hanku. sina weka e ma tomo la jan Hanku li pana e mani suli tawa sina.
2. 2. o moku mute ala e telo nasa.
3. 3. o pakala e jan ante.
4. 4. o moku e moku pona.
5. 5. jan Hanku li toki e toki ni.
6. 6. mun li moku pi telo soweli li laso.
7. 7. toki ale tan uta pi jan Hanku li lon.
8. 8. sina pana e telo jaki e ko jaki. o telo e luka sina!
9. 9. o moku ala e telo nasa.
10. 10. o moku ala e soweli kepeken moku suwi! o moku ona kepeken pan taso!

o uta e monsi pi jan Hanku. sina uta ala la jan Hanku li pakala e sina.

mi: "lipu li lukin sama ni: ona li tan jan Kali."

jan Meli: "jan Hanku li jo ala e lipu."

mi: "mi pilin e ni: sitelen pi lipu ni li sama e luka Kali."

jan Jon: "lon. jan Hanku li toki; jan Kali li sitelen."

mi: "sina toki ala toki e ni: jan ala li lukin e jan Hanku?"

jan Meli: "toki. taso, tenpo weka la jan Hanku li toki e jan."

mi: "sina toki e ni: jan Hanku li pona. taso, jan pona seme li pakala e jan ante?"

jan Meli: "jan Hanku li wile e ni. toki ale pi jan Hanku li lon."

mi: "sina pilin e ni tan seme?"

jan Meli: "lipu toki e ni: toki ali pi jan Hanku li lon. ni li pona tawa mi!"

mi: "ken la jan Kali taso li pali e lipu."

jan Jon: "ala! lipu li toki: jan Hanku li pali e lipu ni. lipu li toki kin e ni: o moku e moku pona; sina pana e telo jaki e ko jaki, o telo e luka sina!. jan ali sona e ni: toki ni li pona. lipu ale li pona tan ni!"

mi: "taso, lipu li toki: o moku ala e telo nasa. ni li ante e toki nanpa tu. lipu li toki kin: mun li moku laso jelo. jan ale li sona: ni li ala!"

jan Jon: "ala! toki tu pi telo nasa li suno e toki wan pi telo nasa. en tenpo ala la sina lon mun. sina ken ala sona e mun."

mi: "jan sona li sona e ni: mun li kiwen."

jan Meli: "ona li sona ala e ni: kiwen mun li kama tan seme? ken la ona li tan ma. ken la ona li moku pi telo soweli li laso.

mi: "mi jan sona ala. taso jan sona li sona e ni: mun li tan ma ala. toki tu: jan li sona ala e ale. taso, toki pi moku pi telo soweli li lon ala tan ni!"

jan Jon: "a! sina toki lon. jan sona li ken ala sona e ale. taso, jan Hanku li soma e ale!"

mi: "a?"

jan Meli: "a! lipu li toki e ni."

mi: "sina toki e ni: jan Hanku li lon tan ni: lipu li lon. lipu li lon tan ni: jan Hanku li toki e lipu. jan Hanku li toki e lipu tan ni: lipu li toki e ona. ni li nasin sike! ni li sama e toki ni: jan Hanku li lon tan ni: ona li lon."

jan Jon: "a, pona. tenpo ni la sina sona! ni li pona: sina pilin e nasin sona pi jan Hanku."

mi: "a…ni li lili. toki pi moku soweli li seme?"

jan Meli li loje. jan Jon li toki: "o moku e soweli lon pan. o moku ala lon moku suwi. ni li nasin pi jan Hanku. nasin ante ale li ike."

mi: "mi jo ala e pan la mi pali e seme?"

jan Jon: "sina jo ala e pan la sina ken ala moku e soweli. soweli taso li ike."

mi: "mi ken ala kepeken e moku suwi e moku jelo anu seme?!"

jan Meli li loje mute. jan Jon li kalama: "pakala! o toki ala e ni! moku ali ni li ike!"

mi: "kasi en soweli li ike anu seme?"

jan Meli li pilin e kute ona kepeken luka. "mi kute ala e toki sina! mu mu mu mu mu!"

jan Jon: "ni li jaki mute. jan ike taso li moku e ni."

mi: "tenpo ale la mi moku e ni!!"

sijelo pi jan Meli li anpa. jan Jon li jo e sijelo ona: "mi sona e ni la mi kama ala e tomo sina. tenpo lili la jan Hanku li pakala e sina la mi musi e sina lon nena suli mani. mi uta e monsi pi jan Hanku tan sina. sina li jan pi moku soweli taso!"

jan Jon li pana e jan Meli tawa tomo tawa ona. ona mute li weka.