monsuta Jaba (Jabberwocky)

a! tenpo Bili la soweli jaki
li musi li moku li lape li lon.
soweli sewi li lili li suwi
li sike li tawa
lon tawa kon.

"jan lili, o kute, o pilin ike
tan waso Juju, tan akesi Banda
o pilin ike tan monsuta Jaba!
uta en luka ona li moli."

ona li pana e ilo utala.
tenpo suli la jan lili li tawa.
ona li awen li pilin li pona
lon anpa pi kasi kiwen Tumtum.

a! tenpo ni la monsuta li kama!
ona li tan ma kasi pimeja.
oko tu ona li sama seli.
ona li pali e kalama mute!

wan tu! wan tu! ilo utala
li wawa, li kalama, li pakala.
ona li moli e monsuta ni
li kama jo e lawa ona li tawa.

"sina moli e monsuta Jaba,
anu seme? o kama, o kama!
jan pona mi! mi pilin pona!"
jan li toki musi tan ni.

a! tenpo Bili la soweli jaki
li musi li moku li lape li lon.
soweli sewi li lili li suwi
li sike li tawa
lon tawa kon.

sitelen li tan lipu ni