kasi ike (toki tan lipu pi jan Suansu)

mi kepeken e lipu ni tawa toki ni.

jan Si li jan pali. tenpo wan la ona li tawa ma Kuan li lukin e kasi palisa. ona li suli mute mute mute li jo luka mute. sina ken pali e tomo tawa telo kepeken luka wan. jan Si li weka e ona.

jan Si li jo e jan pali lili. ona li toki:
"tenpo mute la mi tawa monsi e sina. sina pali kepeken kasi palisa mute. taso, tenpo ni la sina wile ala pali e kasi ni. ni li tan seme?"

jan Si li toki e ona:
"mi pali e tomo tawa telo la tomo li tawa e anpa telo.
mi pali e supa la supa li pakala.
mi pali e lupa la pipi li moku e ona.
kasi ni li ike mute."

tenpo lili la jan Si li lape li lukin e kasi ni. kasi li toki e ona:

"sina ante e mi en kasi pona, anu seme?
kasi pona li kasi kili li kasi pi lukin pona.
jan li jo e kili pi kasi ni.
jan li pakala e luka ona.
jan li moli e ona.
ona li kasi pona la ona li pilin ike.
tenpo mute la mi kama sona e nasin pi kasi ike.
mi kasi ike. mi pilin pona li lon li suli tan ni.
jan ale li sona e pona pi kasi pona.
jan ala li sona e pona pi kasi ike!"

sitelen li tan lipu ni