jan sewi li lon tan seme?
18 Mar 2007
sitelen li tan lipu ni
toki ni li tan lipu ni.
- TOKI TAN PONA LUKIN
- lili/kili/kasi/suno ni li pona lukin anu seme?
- jan sewi taso li ken pali e ona
- jan sewi li lon tan ni
- TOKI TAN OLIN
- tenpo wan la sina olin ala olin?
- [olin]
- a! olin li ala tan jan sewi la ona li tan seme?
- jan sewi li lon tan ni
- TOKI TAN PILIN IKE MUTE
- jan sewi li lon ala la mi ken moli
- ni li lon la mi pilin ike mute
- jan sewi li lon tan ni
- TOKI TAN WAWA
- sina lukin ala lukin e ilo moli mi?
- jan sewi li lon tan ni
- TOKI TAN NANPA
- jan mute mute mute li pilin e ni: jan sewi li lon.
- ale li ken ala pilin e lon ala!
- jan sewi li lon tan ni
- TOKI TAN WAWA PI ILO KALAMA MUSI
- jan Eliku Kulaputon li jan sewi.
- jan sewi li lon tan ni
- TOKI TAN MOLI ALA PI JAN WAN
- tomo tawa kon li pakala. jan mute li moli.
- jan lili wan li moli ala.
- jan sewi li lon tan ni
- TOKI TAN ALE ANTE
- ale li ante la ale li ante
- ni li ike mute.
- jan sewi li lon tan ni
- TOKI TAN NASIN ANTE
- jan mute li pilin e ni: nasin Kisuti li lon ala.
- ni li pona tawa jan sewi lili ike.
- jan sewi li lon tan ni
- TOKI TAN MOLI
- jan ijo li pilin e ni: jan sewi li lon ala. ona li moli.
- tenpo ni la ona li sona e ni: ona li nasa!
- jan sewi li lon tan ni
- TOKI TAN OLIN
- jan sewi li olin e sina
- sina pilin e ni: ona li lon ala. sina jan ike li jan pi pakala olin!
- jan sewi li lon tan ni
- TOKI TAN NASIN PI JAN ION KALAPIN
- jan sewi li lon la ni li lon: tenpo kama la mi ken lukin e pakala sina.
- ni li pona li musi tawa mi
- jan sewi li lon tan ni
- TOKI TAN ILO MOKU
- ilo moku li toki wawa ala e jan pali pi ilo moku!
- jan sewi li lon tan ni
- TOKI TAN MANI PI JAN SEWI
- ma pi nasin Kisuti li jo e mani mute
- jan sewi li lon tan ni
- TOKI TAN TENPO SULI
- tenpo suli la kulupu Katoli li lon
- jan sewi li lon tan ni
- TOKI TAN MUTE
- mi jo e lipu mute. lipu li toki e ni: jan sewi li lon tan seme?
- mi pilin e ni: lipu wan li lon!
- jan sewi li lon tan ni